Жаңалықтар

Шал ақын аудандық соты әкімшісінің басшысы Еркегуль Ишмуханбетова «Мемлекеттік тілдегі іс жүргізу деген не?» тақырыбына сот мамандарымен семинар өткізді.

Мемлекеттік тіл – мемлекет шеңберінде саяси, әлеуметтік және мәдени салаларда интеграциялық функцияны орындайтын тіл, мемлекеттің бүкіл аумағында қоғамдық қатынастардың барлық салаларында әрекет ететін мемлекеттік басқару, заңнама, сот ісін жүргізу және іс жүргізу тілі.

Хат-хабар жасауға байланысты қызмет, оны тіркеу, жүйелеу және есепке алу іс жүргізу деп аталады.

Уәлиханов аудандық сотымен «Сот актілерінің орындалуы туралы» тақырыбы бойынша семинар өткізілді. Іс –шараға жеке сот орындаушы, полиция, әкімдік  және жергілікті орындаушы органдардың қызметкерлері қатысты.

Солтүстік Қазақстан облысының мамандандырылған ауданаралық әкімшілік соты Қазақстан Рспубликасы Мемлекеттік қызмет істері агенттігінің Солтүстік Қазақстан облысы бойынша Департаментінің алаңында «Әкімшілік органдардың қызметінде ӘРПК және жер заңнамасын қолдану мәселелері» тақырыбында «дөңгелек үстел» өткізді.

Оған жергілікті атқарушы органның өкілдері, аудан әкімдері, уәкілетті органдардың басшылары қатысты.

Қазақ-түрік лицейінің оқушылары Солтүстік Қазақстан облысының мамандандырылған ауданаралық әкімшілік сотында өткен Ашық есік күніне қатысты.

Сот судьялары Күлнар Масимова мен Рита Оразымбетова оқушыларға соттың құрылуы және оның қызметі, сот жүйесі, жария-құқықтық қатынастар саласындағы әкімшілік істерді қараудың ерекшеліктері туралы айтып берді. Кездесуде оқушылар өз сұрақтарына жауап алды.

Оқушыларға сот ғимараты бойынша экскурсия ұйымдастырылды.

Солтүстік Қазақстан облысының қылмыстық істер жөніндегі мамандандырылған ауданаралық сотының Әкімшісі Ә.Әбілмәжінова алқабиге үміткерлерімен сот талқылауына қатысу үшін алқабиге үміткерлерді іріктеу процесі мен алқабилер қатысатын соттың істі талқылау ерекшеліктеріне түсіндіру жұмысын жүргізді.

Іс шара барысында, сот Әкімшісі Ә.Әбілмәжінова алқабилердің қатысуымен қаралатын істердің сотта қаралу тәртібі мен ерекшеліктерін түсіндіріп, алқабидің құқықтары, міндеттері және оның әрекеттеріне істі қарауға байланысты қойылатын шектеулерге аса назар аударды.